منگلورو18/ جون (ایس او نیوز) شیموگہ سے منگلورو کی طرف بس میں سفر کررہی ایک خاتون کی بیگ سے 53 گرام وزنی 2.5 لاکھ روپے مالیت کے سونے کے زیورات چوری کرنے کے الزام میں پولیس نے ایک شخص کو گرفتار کرلیا ہے جس کی شناخت  پی جنارتنم کرپا راو کی حییثیت سے کی گئی ہے۔

    پولس کا کہنا ہے کہ ملزم ڈانڈیلی شمالی کینرا کا رہنے والا ہے ۔ 10 مارچ کو چوری کی یہ واردات انجام دینے کے بعد وہ لاپتہ ہوگیا تھا۔ پولس ذرائع کے مطابق  گرفتاری کے بعد مسروقہ زیورات برآمد کرلیے گئے ہیں جو  ملزم نے موتہوت فائنانس ہبلی،مناپورم فائنانس ڈانڈیلی، مناپورم فائنانس ہبلی اور آئی آئی ایف ایل فائنانس ہبلی میں گروی رکھے تھے۔